ایران نے تقریباً ایک سال کی تعطل کے بعد تفتان سرحد کے ذریعے پاکستانی تاجروں کی ایران میں داخلے کی اجازت دے دی ہے۔ اسسٹنٹ کمشنر تفتان نعیم قاسم شاہوانی کے مطابق گزشتہ روز سے ایسے پاکستانی شہری جن کے پاس ایران کا تجارتی ویزہ ہے ایران جانے لگے ہیں۔ ان کے مطابق ایرانی حکام نے ایک سال قبل تفتان سرحد پر آمد و رفت اس وقت محدود کردی تھی جب اسرائیل امریکا اور ایران کے درمیان جنگ شروع ہوئی۔ انہوں نے بتایا کہ حالیہ جنگ کے دوران ایران میں مقیم پاکستانی طلباء اور تاجر واپس آئے تھے جبکہ پاکستان سے بھی ان ایرانی ڈرائیورز کو واپس جانے دیا گیا جو ٹرکوں پر امپورٹ کا سامان تفتان سرحد کے ذریعے لاتے رہے تھے۔ تفتان میں ایک سرکاری ذرائع نے تصدیق کی کہ اب تک 16 پاکستانی تاجر ایران جاچکے ہیں جن کی تعداد میں وقت کے ساتھ اضافہ ہوگا۔
